Nerea dut izena, Azpeitiarra naiz eta 33 urte ditut. Ezkonduta nago eta 3 urteko semea daukat.

Industriako Ingeniari teknikoa naiz eta hamar urte daramatzat siderurgia sektoreko euskal enpresa batean lan egiten (Sidenor).

Etxean alderdizaleak izan gara beti eta urtero harro-harro joaten nintzen ikurrina lepoan Alderdi Egunera. Gero etorri ziren EGIkideekin egiten genituen akanpada haiek. Urte batzuk geroago, Azpeitiako udaleko ordezkari gisa desfilatzea tokatu izan zait.

Gaur egun eta udalean 8 urte eman ondoren, Azpeitiako UBBko burukidea naiz. EAJ da garapen ekonomiko oparoa bermatzen digun alderdi bakarra. Euskadin autogobernu maila handiagoa lortzeko borrokatuko den bakarra. Eta, zalantzarik gabe, Iñigo Urkullu da lantalde hori lideratzeko egokiena.

Denbora librea dudanean irakurtzen dut eta zinemara joaten naiz, eta asteburuak familiari eta lagunei ematen dizkiet.